PËRSHKRIM I SHKURTËR, CV DHE KONTAKTI ME ANALISTIN
Renisi ka përfunduar studimet e nivelit Bachelor dhe Master në Universitetin e Tiranës, Fakultetin e Shkencave Sociale, nga ku është diplomuar me Medalje të Artë.
Eksperienca e tij ndërlidhet me kontributin në jetën akademike, shoqërinë civile dhe administratën publike. Renisi aktualisht punon si Lektor me kohë të pjesshme në Universitetin e Tiranës, Fakultetin e Shkencave Sociale, në nivelin Bachelor dhe Master. Për më tepër se një vit është angazhuar si Specialist në Ministrinë e Drejtësisë, Drejtorinë e Përgjithshme Rregullatore të Çështjeve të Drejtësisë, në Sektorin e Drejtësisë Penale për të Mitur.
Gjithashtu, një nga fushat e interesit dhe angazhimit lidhet me marrëdhëniet ndërkombëtare dhe diplomacinë. Ai është Alumni i Diplomatische Akademie Wien – Vienna School of International Studies, si pjesë e Programit Ekzekutiv në Çështjet Evropiane dhe Ndërkombëtare për Zyrtarët Publikë dhe Diplomatët e rinj nga Evropa Juglindore. Po ashtu, për një mandat ka mbajtur pozicionin e International Ambassador, si pjesë e rrjetit të European Student Think Tank (EST).
Falë arritjeve të tij akademike ai ka qenë pjesë e Programit të bursave Sur-Place të Fondacionit Gjerman Konrad Adenauer, ku tanimë është pjesë e rrjetit Alumni të Fondacionit.
Renisi ka një histori të gjatë të kontributit në vullnetarizëm dhe angazhimit të tij civil me organizata jo-qeveritare lokale dhe entitete ndërkombëtare si UNDP, Terre des Homme, RYCO & UNFPA dhe Caritas. Po ashtu, është pjesë Grupit Rinor Këshillimor të Prezencës së OSBE në Shqipëri.
Renisi është i angazhuar si researcher (kërkues shkencor), ku gjatë periudhës së studimeve ka pasur mundësinë të zhvillojë pasionin e tij për kërkimin shkencor si Intern në Institutin e Statistikave. Fushat e tij të interesit dhe fokusit janë çështjet politike dhe sociale që rrethojnë Bashkimin Evropian dhe Procesin e Zgjerimit të BE-së në Ballkanin Perëndimor, të drejtat e njeriut, politikat sociale, të drejta e fëmijëve dhe të rinjve, si dhe barazinë gjinore dhe jo vetëm.
RAPORTET 3 MINISTRIA E SHTETIT PËR RININË DHE FËMIJËT
LAJME MBI MINISTRINË E SHTETIT PËR RININË DHE FËMIJËT
