MJEDISI DHE TURIZMI – BORANA FUQI

Borana ka përfunduar studimet Bachelor pranë Fakultetit të Drejtësisë në Universitetin e Tiranës. Momentalisht po ndjek studimet e ciklit të dytë në profilin Master Shkencor Civil. Ajo është prej vitesh e angazhuar në organizata të ndryshme, që kanë në fokus të veçantë kauzat sociale, si dhe fuqizimin e rendit dhe ligjit. Për Boranën, shteti i së drejtës dhe meritokracisë është themeli i të gjitha demokracive moderne, dhe në të njejtën kohë busulla orientuese e çdo politike. Sidmos kur bëhet fjalë për mundësitë që i ofrohen të rinjëve. Për këtë arsye ajo iu bashkua dhe ELSA Albania (Shoqata Evropiane e Studentëve të Drejtësisë), një organizatë ndërkombëtare jo-fitimprurëse, e drejtuar nga dhe për studentët,ku pas 3 vitesh si anëtare aktive, tashmë në rolin e zv. Presidentes. Përveç kësaj, përvoja e punës pranë Kontrollit të lartë të Shtetit (KLSH) e ka ndihmuar atë të fitojë eksperiencë në monitorimin e institucioneve publike, si dhe organizimin dhe hartimin e raporteve. Në kuadër të projektit të organizuar nga Instituti Demokratik Kombëtar (NDI) Borana ka asistuar zv.Kryetaren e Kuvendit në aktivitetin e saj parlamentar dhe pranë Komisionit për Çështjet Ligjore, Administratën Publike dhe të Drejtat e Njeriut. Fusha të tjera të interesit për të janë dhe marrëdhëniet ndërkombëtare, e drejta Kushtetuese si dhe mbrojtja e mjedisit. Me një dashuri të madhe për natyrën dhe malet Borana prej 3 vitesh është pjesë e një shoqate alpinistësh dhe bjeshkatarësh.