Resistance for good governance është pjesë e programit të qeverisjes së mirë të organizatës Qëndresa Qytetare dhe përbëhet nga një grup analistësh të rinj të politikave publike të cilët monitorojnë në mënyrë periodike qeverinë qendrore në Shqipëri.
Kjo nisëm realizohet me mbështetjen e National Endowment for Democracy (NED) dhe ka për qëllim përmirësimine qeverisjes duke nxitur transparencën dhe llogaridhënen e minsitrive të monitoruara.
Fokusi i monitorimit të qeverisë përfshin kryesisht procesin e hartimit dhe zbatimit të politikave publike, transparencën dhe përgjegjshmërinë e përdorimit të fondeve publike dhe respektimin e procedurave të prokurimit publik. Analistët e politikave gjithashtu kanë në fokus opinionin dhe perceptimin qytetar mbi politikat e ndërmarra nga qeveria duke ofruar edhe rekomandime dhe zgjidhje mbi problematika të caktuara.
Qëndrimet, gjetjet dhe rekomandimet e përcjella në raportet e monitorimit janë të analistëve të politikave publike dhe nuk përkojnë domosdoshmërisht qëndrimin e donatorit apo Qëndresës Qytetare.
